عبد الله رجب أبو عدنان. دم الغزال
دم الغزال.
عبدالله رجب ابوعدنان
دم الغزال غطى الأرض
نزال اتفرض فرض
دنيا البراح طول وعرض
ف الخلا كان السبق
هدهد ع البعد شاهد
باعد ومتباعد
لا قادر يصرخ صرخته ولا قادر يساعد
ع الخبر و المبتدأ
يا شريد ضلت خطوتك
عيونك الحلوه كانت بصمتك
خرسو صوتك وموتو ضحكتك
والسهم خلاص رشق
امتا الشريد كان ليه صوت
الحياة تفرق ايه عن الموت
سباع وضباع وجياع
ف دنيا يحكمها الجبروت
وهو حتى الصمت مخترق
غزال متغطي بسراب
عرضه للخونة والكلاب
يعدي ديب يلاقي مية م الدياب
وليمة لحم مفتخرة
جسد وطن متبعترة
دبحوه بتريقه ونقوره
ويفضل الحلم مجرد ورق
ف زنزانة اللاعودة
حبال الصبر مشدودة
وكل البيبان مسدودة
وف الغلا كله عايم
م الهم والشقا صايم
حتى اللي كان حالم
ف توابيت الخوف غرق
تعليقات
إرسال تعليق