عشرين عاما. دخيل العطيوي
عشرين عام
للشاعر دخيل العطيوي الثقفي
،،،،،،،،،،،،،،،،،،،،،،،،،،،،،،،،،،،،،،،،،،،،،،،
ليله مضت في عمر شاعر متهات
فيها من الشرهات ما يكثىر. الميل
في ذكر ماضي مات مثل الذي مات
وش نرتجي من ميت فاقد الحيل
عشرين. عام وزود منها الرجا فات
ضاعت وانا معها على النقص والكيل
معها كبر همي وضاقت مسافات
حتى وضاعت في رجاها المحاصيل
واصبحت بين اثنين حاسد وشمات
وقفاتهم مثل . الرِشا والمحاحيل
ضعفت واستسلمت من كثر عثرات
وانا عزومي فوق . من دون تعليل
حتى الله اعطاني وياحي من جات
ذيك الهنوف الي كما فرزة الخيل
تغيرت معها غرابيل ..... ما فات
واعطت حياتي نشوةّ تسبق السيل
حبيتها مره ومره .... ومراااااات
واعطيتها ودي على طيب تكميل
ياللي زرعتي الطيب كم ليلة بات
لك قدر يرقى بك على نجمة سهيل
واهتز وجداني وسوى علامات
بين السما والأرض عن قايلا قيل
فيها العوض عن وقت غبر المهبات
الي مضت لي معه كبر التهاويل
والطيب بين الناس يبنى بنيات
طعمتها في خلطة البن والهيل
لها من الاوصاف كبر المقامات
بنت الرجال معدلة جاير الميل
من حبها عذرت في الكل بالذات
هي وحدها من حل فالقلب بالحيل
ذيك التي نرقى بها للمجرات
نبنوبةٍ مثل القمر ... تفهق الليل
تعليقات
إرسال تعليق