أحمد شاعر العرب. يابنت قلبي
بنت قلبى
يابنت قلبى / قربى
وقت اللقا / ليه تهربى
مش بالخصام/ راح تكسبى
لما اغازلك/ تغضبى
ياللى بقلبى/ بتلعبى
من دمع / عينى بتشربى
يابنت قلبى/ جرى لك ايه
انا ع البُعاد/ ما أقدر عليه
وانتى فى قلبى/ ساكنه فيه
حبك فى عينك/ بتداريه
رمشك يقول لى/ الحب نار
اصل الفراق/ طعمه مرار
بيتولد فيه/ انكسار
خلق مابيننا/ الفين جدار
ولا فيه هروب/ ولا فيه فرار
يابنت قلبى/ انا حبى غالى
وحبك انتى/ فوق فى العلالى
ده حبك انتى / سر انشغالى
يابنت قلبى /ارجعى لى
فى رجوعك انتى/ تحيى امالى
انول ودادك/ وتنول وصالى
فى بُعادك انتى/ يانور عيونى
ربك لوحده/ اعلم بحالى
شعر أحمد اسماعيل/ شاعر العرب
تعليقات
إرسال تعليق