من كام سنه ياسر يونس
✍ كم سنة
من كم سنه
كنا هنا في عشنا بنلملم جراحنا ف
حضننا
لا ف مره أبدا إشتكينا ولا أبدا توهنا عن
بعضنا
جاتنا العيال طالبة الحلال وغربونا عن
شملنا
وقولنا عادي مش مهم دول يدوبك كم
سنه
النهارده أيه جرى لنا مين اللي قطع
حبالنا
ليه الوصال مبقاش واصلنا وإن وصلنا
بنشوفه باهت
فين أيامنا الجميلة مين أخدها مننا وفين
بس راحت
ولا نكون صحيح كبرنا ؛ والمشاعر جوانا
شاخت
ولا الحياة
إتغيرت وإتلونت بمعاني تانيه وأمورها هيا
اللي باخت
وليه أنت مبقتش أنت ولا أنا خالص
بقيت أنا
دي كل الحكاية كم سنه قضيتها في الويل
والعذاب لجل خاطر عيون الضنا
ف غربه عن نفسي وروحي وكل يوم تزداد
جراحي لحد ما إعتدت الغياب والحنين
جوايا غاب
ويوم ورا يوم العمر يجري وكل ما أزهق
ألاقي ميت مليون سبب يقولي لأ لسه
بدري
والسنين من عمري تجري لحد ما العمر مني
راح وماسابلي غير بس الجراح
والشعر فجأة لقيته شاب وكل الكل في كلي
غاب
وكأني أنا ونفسي أغراب ؛ معقول يكون ده
من الغياب
دول يدوبك كم سنه
كلمات الشاعر ✍/ ياسر يونس
18 / 1 / 2022 م
تعليقات
إرسال تعليق