مديحه ابراهيم أنا لن أحب
(قصيدة بالعامية)
[[ أنا مش هحب ]]
3 - 26 - 2022
حببت مرة ولآخر لحظة قلت له......لا للحب،
حبيت بقلبي ومشيت وراه وقعني.......فيها دب،
انا لم أحب ولما احب احب حد يكون......عنده قلب،
لما يحس بيا وبالوجع اللي بينزل زي......الماء صب،
والعقل يتوه والفكر به شروخ خلاص.......بلاه الحب،
حلوة الحياة لما تتبسم بس ساعات.......بتكون كرب،
أنا راح انساك وضروري هنسى وعودك.......حتى الدرب،
خلاص قلت هترك من بعد ما جتنا.......كان يوم صعب،
ومشيت أغني ونسيت همي اللي ليقته.......فيا بيشب،
أنا مش هحب أخذنا إيه إلا الغلب.......ما كفانا حب،
قلت خلاص دا مستحيل اعيش تاني.......فيها مدب،
انا مش هحب وقلت له يلا كفانا منك.......يا عم كذب،
خليك في حالك ويلا اتركنا في حالنا.......مش بالغصب،
وقلت لنفسي أهو مره حبينا ووقعنا على.......وشوشنا طب،
أنا مش هحب إن كنت عايز منك تعيش.......فيها شعب،
متفكرش تربي كرش وأنسى بقا.......اساليب الغرب،
الحب عندي فكرته حلوه إسمع مني.......ليه تستغرب،
لما تقول وما تعملش واجي اتكلم.......تنزل ضرب،
يبقى انت متستعجبش لما تلاقي.......غضب الشعب،
بطلت احب وهقفل قلبي اصل الحياة.......كلها نهب،
اليوم جاي تتمسكن بعد مضاع القرش.......ومافيش حَب،
وعايزني أحب واقول الله يا شيخ دانت ولي......أرسلك الرب،
يخي دهدي دانت محصلتش فروج بتخاف.......من كلب،
خلاص بطلنا نحب وسكرنا القلب يلا بقا......اصحى يشعب،
كفانا ضحك وفرفشة وعيون ماكرة.......وكفانا لعب،
انا من النهاردة بطلت أكتب إعلان عن........شعار الحب،
خلاص كده كفايه ضحك على.......الذقون بالكذب،
بقلم// مديحة إبراهيم
تعليقات
إرسال تعليق