الحاج نبيل عبد الحليم. يازارع الود
(يازارع الود)
بقلمي
نبيل عبد الحليم
*****
يازارع الود حاذر
حاذر من خبث الأراضي
ياما زرعت كتير قبلك ودادي
رويته بدمي حنان وكنت بدادي
خاب زهر ودي والطرح كان عنادي
ياما رعيته الود
طلع التعب ع الفاضي
نصبوا الحبايب محكمه
والكل عمل قاضي
والحكم كان ملحمه
بالحبس عزل إنفرادي
طعنت فى حكم المحكمه
واخترت انا القاضي
سألني سؤال معلمه
عن حالي مع أجدادي
وعاد عليا السؤال
بزرعي فى اولادي
وقال إنتباه محكمه
ونداني انا القاضي
وقال دا أصيل معدنه
والعيب فى طين الأراضي
سالت م العيون دمعتي
وكانت ليا بتراضي
تواسيني فى خيب زرعتي
وتلوم فى عيب الأراضي
بقلمي
نبيل عبد الحليم
٢٥/٣/٢٠٢١
تعليقات
إرسال تعليق